Admin
Admin
文章數 : 700
注冊日期 : 2015-10-25
年齡 : 50
 |  主題: 2015/11/6 唔想長約綁死 馬國明都想走人？  周六 11月 07, 2015 8:59 pm | |
| Yahoo! 娛樂圈 – 2015年11月6日 週五  無綫近排出現小生花旦逃亡潮都已經唔係秘密，繼胡杏兒、徐子珊、陳茵媺及吳卓羲等人離巢後，近排就有報導話就嚟約滿嘅親生仔馬國明竟然都想走人，仲因此被雪藏。
消息話因為有太多小生花旦排隊等約滿，於是高層就決定逐一安排藝人返公司面談，希望可以提早加簽合約。不過今次無綫搵馬國明，要佢一次過簽五年約，仲要冇咩特別好嘅條件，馬明當然話要諗下先啦！就係因為咁，搞到班高層十分不滿，繼而就將佢套本來八月出街嘅《流氓皇帝》臨時抽起，搞到今年冇得角逐視帝。報導仲話佢已經喺無綫服務咗成16年，之前話新加坡都只係得到啲細獎；同公司話想拍內地劇，就淨係拍得一部。馬明當然心灰意冷啦！
雖然話係無綫嘅親生仔，不過又好難怪佢唔想留低嘅。係人都知自從余詠珊得勢後，就淨係捧愛將洪永城、黃翠如、吳若希等人，搞到成班舊人超無癮。而且馬明本身知名度都有返咁上下，唔少公司已經想馬住佢。好似由樂易玲揸弗嘅「邵氏兄弟」就搵咗已經成為電影製作人嘅王祖藍出馬，希望可以招攬到馬明過檔。同時亦有內地公司向馬明招手。馬明做咗乖乖仔咁耐，係時候反叛一次啦！ | |
|
