[2018/7/25][ON.CC 東網] 最口密兄弟！馬國明乜都「唔知」：等嘉穎講

ON.CC 東網                                 2018/7/25


藝人胡定欣、馬國明、劉心悠等出席無綫劇《宮心計2深宮計》祝捷晚宴，無綫高層杜之克席上宣布將開拍五部合拍劇，眾演員亦在台上祝酒，慶祝收視報捷。

早前於big big channel活動上快閃的馬國明，今次提早到場，但都因為要開工所以會早走。問到收到鄭嘉穎和陳凱琳的婚禮通知未？他說：「你問番大哥（指鄭嘉穎），唔好為難啲兄弟，話咗唔講就唔講，係唔係都唔講，等嘉穎自己講最好。（咁訂造咗兄弟衫未？）冇買衫亦冇任何準備，開咗工乜嘢都唔知。（咁度咗期未？）都係乜都唔知，放唔放到都唔知。」似乎馬國明都已申請放假！而問到會否覺得當事人沒回應，煩到一眾兄弟？他說：「我真係唔知，最近開工，都冇睇佢哋回應，你哋問番佢本人啦，總之我冇造衫，等通知！」

對於有傳陳凱琳做產檢，他亦繼續以「唔知」來回應，對於上次出活動被指早走避記者，他否認：「冇避呀，之前都同公司講咗要早走，因為要趕開工，一場誤會。（黃心穎幫你頂咗喎！）多謝佢，都係佢講我先知。」


鄭嘉穎同陳凱琳有馬國明（左圖）呢個兄弟真係唔話得！


馬國明諗點答諗到頭都大！


馬國明多謝黃心穎上次幫佢頂晒咗啲訪問。


收視咁好報捷，一眾演員自然飲得杯落！