【On.cc】心穎氹買戒買樓？馬國明爆訂情戒係夾錢買

【On.cc】心穎氹買戒買樓？馬國明爆訂情戒係夾錢買

明晒！
藝人馬國明與女友黃心穎打得火熱，二人拍拖一段日子，更由低調轉為公開。向來孝順的馬國明不嬲都愛錫家人，與家人同住，不過有報道指黃心穎想霸佔馬國明，二人先買訂情戒，之後再買婚戒，心穎更說服男友買樓，二人另築愛巢。

認儲緊錢：呢行冇乜保障

對此，馬國明接受東網訪問時謂：「首先多謝大家關心，其實我哋都未傾到結婚呢個話題，心穎仲年輕，佢都仲想喺事業上努力先，但啲雜誌好得意，我哋都未諗到嘅嘢佢已幫我哋諗埋。至於婚後係咪同父母一齊住，我哋都未諗，但想搵多啲錢係真嘅，呢個係我自己好想，唔關佢事，識我嘅人都知我成日都話要儲多啲錢，因為呢行冇乜保障，叫做可以儲到錢嘅時間唔儲錢，對日後生活真係冇乜保障，多個錢傍身，搵啲嘢投資係好啲嘅。」

護花自爆訂情戒係夾錢買

說到被指買廿萬定情戒很肉赤時，馬國明笑言：「又唔會肉赤，首先唔係廿萬咁多，通常我買嘢都係計好數、自己負擔得起先至買，而且我哋係夾錢買，大家唔好誤會佢成日使我錢，佢都搵到錢，佢都係用自己錢買。」