【2018/5/22】[香港01]【深宮計】馬國明黃心穎大方孖住宣傳　訪問對答盡顯默契

萬眾期待劇集《宮心計2深宮計》終於首播，馬國明透露能今晚趕及回港睇首播，好開心，因為套劇集，台前幕後工作人員，用咗好多時間，用好多心血時間去拍，終於可以同觀眾見証第一集出街。心穎好開心咁話：「琴晚有睇製作花絮，真係好靚，啲燈打得特別仔細，加上後期製作，大家塊面好滑呀！哈哈！」


心穎原來唔特別鍾意收花。（吳子生攝）

【深宮計】有份擔正冇得宣傳　周秀娜靠自己用社交平台造勢【深宮計】馬國明黃心穎邊拍劇邊談情？ 「我哋工作時工作」

剛過去嘅5月20日，諧音我愛你又稱表白日，唔知馬明和心穎有無慶祝下呢？馬明笑言：「其實我啱啱喺深圳趕返來睇首播，咁所以呢個520我就唔喺香港嘅，聽朝晨早我又要返去深圳，繼續拍《白色強人》，呢排都唔會喺香港。」心穎搶說：「520其實又唔係我哋慶祝開嘅日子，其實我哋唔係咁鍾意慶祝。」唔慶祝都可以送花呀！馬明有冇送花俾心潁啊？心穎好快為馬明說好話：「又唔係好想收花，收花對我來講冇乜喜好，所以唔會特別要求收花⋯⋯哈哈！」一個咁明白事理，又為男友說好話的女朋友，係好多男人嘅夢中情人，馬明你要好好珍惜呀！

古裝對白對馬明係一種挑戰。（吳子生攝）