【2018/5/16】【蘋果娛樂]【唔通好事近？】宣萱口快爆黃心穎改姓馬 馬明尷尬話：未未未

【2018/5/16】【蘋果娛樂]【唔通好事近？】宣萱口快爆黃心穎改姓馬 馬明尷尬話：未未未

宣萱同馬國明今日喺中環出席美容活動

宣萱同馬國明今日喺中環出席美容活動，仲得到大會送出禮券享用服務，馬國明被取笑可以送俾女友黃心穎，宣萱笑指以為對方早已改姓馬，訪問時宣萱話：「講到好似好事近，所以要update下。」馬國明急忙解釋女友未改變姓馬，尷尬話暫未有計劃：「未未未，唔好寫到呢度。」宣萱追問二人拍拖幾耐，仲話早啲生仔有好處，有精力玩。

兩個都係民選視帝視后，宣萱話感覺上馬國明似羅嘉良：「同撈家好似，又係怕醜，密密做，但好有實力，我哋冇正式合作過，如果有機會都想試，想同唔同人合作有唔同火花。」馬國明視宣萱係女神，自言企喺旁邊唔敢花花，好緊張，知對方讚自己儍更更，馬國明即話：「即係 戇居居。」



馬明好細心咁拖住宣萱上台。


馬明噚日同黃心穎出席宣傳活動。

資料來源:
https://hk.entertainment.appledaily.com/enews/realtime/article/20180516/58199185