【On.cc】賣菜佬VS特工　馬國明同黎諾懿爭女

【On.cc】賣菜佬VS特工　馬國明同黎諾懿爭女

藝人馬國明以一身賣菜造型，於將軍澳電視城出席新劇《C9特工》造型活動，他笑說：「我成個劇都係呢個造型，型嗰啲留番畀高海寧（高Ling）做啦！因為佢係特工嚟！佢應該會練吓身手，佢有好多動作戲。」他指動作戲集中在高Ling身上，笑言自己是劇中最舒服的一個。

劇中與高Ling飾演夫妻，馬國明表示之前與對方合作《賭城群英會》，覺得高Ling很勤力：「無綫都唔夠花旦，都要有多啲花旦出嚟。我都好開心可以同新拍檔合作，要試同唔同人合作先有新嘅火花，黎諾懿都10幾年冇合作，咁耐再合作都有新鮮感。」不過，馬國明就嫌高Ling的造型不夠性感，笑言對方應該穿貼身及緊身衫，或着圍裙做家務。問到與高Ling可有親熱戲，他笑說：「都有，始終做兩公婆。我同黎諾懿爭高Ling，我做賣菜佬，諾懿做特工，唔知高Ling會點揀。」