【On.cc】見偶像馬國明仲有錢收！蘇可欣勁興奮

【On.cc】見偶像馬國明仲有錢收！蘇可欣勁興奮

前港姐兼無綫娛樂新聞台主播蘇可欣（Eunice），早前同藝人馬國明及黃庭鋒拍廣告，自言係馬國明粉絲嘅Eunice，今次既可以有酬勞，仲可以同男神合作，真係一舉兩得，她說：「廣告入面我扮乘客，馬國明就扮的士司機。我一知道同佢拍廣告真係好興奮，因為我由劇集《On Call 36小時》已經好鍾意佢。（有冇同馬國明講你係佢粉絲？）有呀，我話我由中學就已經好鍾意佢，佢聽到都笑笑口話多謝。」講到咁迷馬國明，咁Eunice有冇興奮到搞到NG？她說：「咁又冇，因為我哋同場拍攝唔係好多，不過放飯嘅時候我哋有同枱食飯，我要扮住鎮定，但又瘋狂同中學同學send message話馬國明就喺我對面咋，其實我內心係極度興奮。」

至於黃庭鋒則大讚馬國明係好好嘅前輩，仲經常喺拍攝時提點佢哋：「最正係佢揸的士都不忘流露出佢天然呆嘅招牌樣，令到成個工作環境同氣氛都好開心。」