【蘋果娛樂】傳嘉穎去飲同人嘈　詩詠馬明：佢越開心越板著臉

【蘋果娛樂】傳嘉穎去飲同人嘈　詩詠馬明：佢越開心越板著臉

郭晉安、唐詩詠、李佳芯、馬國明、何廣沛同張曦雯等人出席新劇《白色強人》開機拜神儀式，安仔今次演腦科醫生，覺得今次拍攝最難係表演要讓觀眾感受到有情緒，不過醫生係要好理性，要揣摩角色，郭晉安同張曦雯喺劇中有激情戲，安仔搞笑「澄清」被cut晒。

講到之前《妙手仁心》系列同《On Call 36小時》等醫療劇，口碑都唔錯，擔唔擔心呢套會被比下去?安仔笑言：「不擔心，肯定會比之前好的。」安仔又指目前同電視台合約結束，但係如果有好劇本一定會再返嚟合作。

至於唐詩詠自爆為呢套劇集已經準備十年：「因為我好喜歡睇醫療劇，對醫生有一個情意結。」唐詩詠笑一笑：「準備十年，終於可以同馬明拍醫療劇。」而馬明就話呢次劇同之前嗰啲係有好多分別，呢套劇《白色強人》會偏向講香港醫療架構嘅現有問題。
此外，唐詩詠同馬明日前參加出席「鐵馬兄弟」林子善嘅婚禮，有傳當晚鄭嘉穎飲多咗同人嘈，仲黑面離開，唐詩詠同馬明則為嘉穎澄清：「其實嘉穎那天真的很開心，你們誤會了，他只是越開心越板着臉。」。