【On.cc】林子善講愛的宣言眼濕濕　馬國明掛住笑

【On.cc】林子善講愛的宣言眼濕濕　馬國明掛住笑

35歲藝人林子善與圈外太太董佩欣（Kary）去年10月簽紙結婚，今日在將軍澳一所酒店舉行婚禮。一對新人於上午十時十五分現身，子善拖齊星級兄弟團助陣，包括伴郎袁偉豪（Ben），以及唐詩詠、馬國明、鄭嘉穎、黃長興及黃嘉樂及數位圈外朋友，一行18位兄弟姊妹團聲勢浩大。

一對新人以傳統裙褂亮相，新娘子Kary戴上大大塊金豬牌、五對龍鳳鐲及兩條金鏈。而星級兄弟團以型格西裝亮相，唯一女將唐詩詠亦反串穿上格仔西裝。

一眾兄弟團接受訪問，問到今早接新娘儀式是否被姊妹團「玩殘」？詩詠笑言過程順利：「過程順利、輕鬆嘅，我哋都係畀人玩，Ben同嘉樂要食蟲，食鹹竹蜂加芥辣，仲有要做劈腿，不過冇人做到囉！」問到子善愛的宣言是否感人？馬國明笑言：「子善講到眼濕濕囉，不過我哋就掛住笑。」

問到一班兄弟是否已分配好工作？嘉穎笑言負責「執頭執尾」及影相，反串做兄弟的詩詠又笑言：「原來都唔使好多兄弟，我負責後勤，馬明負責頂酒！」

問到誰酒量最好？馬國明聞言笑說：「今晚會飲晒一世人嘅Quota！我酒量都幾好架！」身旁一班兄弟即取笑他千杯不醉，嘉穎更爆料說：「都好耐冇見馬明醉喇，都有10年，上次係《鐵馬尋橋》煞科宴，醉到攬住我唔知講咩！」馬明又笑言：「我成日醉冇人知啫！」身旁即有人起哄說：「今晚都唔會攬嘉穎喇，唔知攬邊個！」