[2018/2/19][明報]【情侶檔團拜】馬國明 高海寧 陳展鵬攜眷見樂小姐

[明報]               [2018/2/19]


大家睇下有幾多對情侶藝人出席?

無綫半百藝人昨日跟高層樂易玲團拜，當中最顯眼馬國明、陳展鵬、袁偉豪及高海寧等人，皆因眾人的另一半，黃心穎、單文柔、張寶兒及鄧智偉等在場，馬國明和黃心穎、袁偉豪和張寶兒這兩對大方一齊合照，陳展鵬跟單文柔就較很避忌，隔開7、8個同事，而高海寧與鄧智偉則好少少，中間都是得4個人。

至於「游生」袁文傑就滿場飛去「集郵」，跟亞視舊戰友林韋辰、張文慈、陳展鵬及翟威廉等合照外，亦有跟袁偉豪、陳山聰、許家傑及馮盈盈等影相，看來已經融入無綫這個大家庭。

[on.cc】 馬國明團拜冇被催婚　莊思明派雙封利是？

無綫有唔少熱戀中嘅藝人情侶，好似馬國明及黃心穎、袁偉豪及張寶兒、楊明及莊思明、陳展鵬及單文柔咁，佢哋尋日就一雙一對聯同其他同事齊齊到無綫高層樂易玲家團拜，相當熱鬧！

馬國明與袁偉豪接受東網訪問時，問到於現場有否被人催婚，馬國明謂：「我都係坐咗一陣，同楊明、袁偉豪佢哋傾吓偈就去咗拜年！（被催婚？）冇喎！從來都冇畀人催過婚。」

而袁偉豪亦謂：「冇畀人催婚喎！大家都係傾吓偈，聚吓咁，都好熱鬧！」而莊思明接受訪問時笑謂：「好多同事都叫我哋出年派雙封（利是），而麥玲玲師傅又話覺得我哋最快跑出，最快結婚，現場氣氛都好開心，大家傾吓偈，食吓嘢。」

馬國明同袁偉豪都話冇被催婚，而莊思明就話好多同事叫佢同楊明出年派雙封利是呀！

[蘋果日報] 馬明心穎一雙一對 馮盈盈最得樂小姐歡心


噚日係年初三赤口，中國傳統指呢一日容易同人發生爭執，為咗唔想新年流流招惹是非，有啲人選擇呢一日唔去拜年，而係去拜神祈求一家人新一年行好運，不過人與人相處，坐埋聚會又唔一定鬧交嘅。

TVB藝員噚日辦團拜，一眾藝人高海寧、陳山聰、馮盈盈、梁烈唯、胡定欣、莊思敏、張文慈、張致恆、楊潮凱、楊玉梅、林韋辰、林淑敏及劉佩玥等去咗無綫高層樂易玲屋企，馬國明同黃心穎、陳展鵬同單文柔、袁偉豪與張寶兒、楊明同莊思明等攜眷出席，一雙一對。
高海寧同緋聞男友鄧智偉都有同場，不過佢哋刻意坐開，繼續保護愛苗，未知幾時到呢pair好事近呢!?

睇番呢一眾大台小花當中，似乎2016年香港小姐冠軍馮盈盈最得樂小姐歡心，當中有一張相，根據坐位嚟睇，見馮盈盈坐正喺樂小姐身邊，相中樂小姐疑似搭住佢膊頭，難怪馮盈盈就算喺節目語出驚人，照有唔少演出同做司儀嘅機會。  

[on.cc] 樂易玲屋企團拜　情侶一雙一對到場！


農曆年開心喜慶日子，有咩好得過團拜丫。年初三，一班無綫藝人就聯群結隊去咗無綫高層樂易玲屋企拜年，真係好開心呀。好多仲係一雙一對咁出席，好似袁偉豪同張寶兒、陳展鵬同單文柔、劉佩玥同周志文、馬國明同黃心穎、楊明同莊思明、高海寧同鄧智偉，真係好旺場呀。其它藝人仲有陳山聰、莊思敏、張文慈、張致恒、楊潮凱、楊玉梅、袁文傑、林韋辰、林淑敏等，人多到真係數都數唔晒！

袁文傑將團拜相片上載到社交網，見到大合照時，2016年香港小姐冠軍馮盈盈，同埋蘇可欣仲坐正喺樂易玲身邊做左右護法，感情應該唔錯咁噃。一班藝人樂易玲家中由室內玩到戶外花園，真係好熱鬧，過年最重要一家人齊齊整整，高高興興嘛！

樂易玲回覆東網稱年年都係咁多人：「好開心，我不停開酒、煎年糕、炒有機菜、煲糖水出嚟招呼大家，現場仲有麥玲玲和李丞責師傅，啲女藝員個個圍住佢哋，問買樓、財運如何，而王浩信、梁烈唯又帶埋BB嚟，好熱鬧，我好多孫呀！（個個都一雙一對有冇催佢哋結婚？）見到佢哋快高長大、成家立室、開枝散葉我都好開心！」。

【東方日報】馬國明黐實心穎：冇被人催婚 2018年2月20日

無綫一眾小生、花旦齊齊到高層樂易玲屋企拜年，眾人吃喝玩樂，相當熱鬧。現場更有多對情侶晒溫馨，馬國明及袁偉豪均笑言沒被催婚，莊思明就被催明年派雙封利是！


無綫一班藝人前日齊齊到高層樂易玲家團拜，當中如馬國明及黃心穎、袁偉豪及張寶兒、陳展鵬及單文柔、楊明及莊思明、高海寧及鄧智偉都一雙一對出席，眾人由室內玩到戶外花園，相當熱鬧。


樂易玲接受訪問時坦言年年都如此高興，她說：「好開心，我不停開酒、煎年糕、炒有機菜、煲糖水招呼大家，現場仲有麥玲玲同李丞責師傅，啲女藝員個個圍住佢哋，問買樓、財運如何。王浩信同梁烈唯又帶埋BB嚟，好熱鬧，我好多孫呀！（有冇催佢哋結婚？）見到佢哋快高長大、成家立室、開枝散葉我都好開心！」


馬國明與袁偉豪受訪時均笑言沒有被人催婚，大合照時孖住心穎影相的馬國明說：「我都係坐咗一陣，同楊明、袁偉豪佢哋傾吓偈就去咗拜年！（被催婚？）冇喎！從來都冇畀人催過婚。」袁偉豪亦謂：「冇畀人催婚喎！大家都係傾吓偈，聚吓咁，都好熱鬧！」


莊思明被睇好「跑出」


至於被睇好最快「跑出」派利是的莊思明，坦言很多同事都催她與楊明出年派雙封利是，她開心地說：「麥玲玲師傅話覺得我哋最快跑出，最快結婚，現場氣氛都好開心，大家傾吓偈，食吓嘢，好開心。」

一眾藝人到樂易玲屋企團拜，氣氛熱鬧。