【On.cc】寸蔡思貝收兵！馬國明講起心穎BB冧滋滋

【On.cc】寸蔡思貝收兵！馬國明講起心穎BB冧滋滋

馬國明真係好冧豬呀！
藝人馬國明及蔡思貝一同出席活動，每人獻唱兩首歌曲，更與粉絲在台上製作風車和寫揮春，互動多多。

否認飲醉酒

問到是否已經收爐？馬國明表示幾天後還有其他拍攝，而農曆新年後將開拍新劇並飾演醫生。提到昨晚《降魔的》聚會中見到他飲得面紅紅，他自爆被胡鴻鈞「喪隊」：「冇醉，邊有咁易。（唔敢睇國際中華小姐競選？）背住電視，間唔中有望兩眼。（女友黃心穎靚啲？）審美觀各花入各眼，依家思貝喺隔籬，梗係思貝靚啲啦！」問到新一年是否穿紅底褲過年？馬國明指櫃中有一條放了多年的新「紅底」，笑言希望未有蟲咬。

呻窮冇錢換車

提到早前與心穎出國旅遊豪飲豪食，搞到馬國明大出血，他表示：「我成日都話自己窮，身邊好多朋友都有錢過我。（平時拍拖係咪你畀錢？）唔係，各有各嘅，我請食飯，佢請睇戲。（你去睇車，係咪送車畀心穎？）梗係唔係，我自己冇錢換車。大家以為我有錢，定期換車，公司唔好誤會。」問他情人節如何慶祝？馬國明表示當天要工作，至於送甚麼禮物給女友，他笑得甜絲絲說：「唔話你聽！」

生得出蔡思貝

而蔡思貝則表示未知情人節當天要否開工，但揚言希望有工開。在旁的馬國明即暗寸對方：「你好多兵㗎喎！」記者追問她與緋聞男友麥秋成，還是最近傳出緋聞的余德丞過，她又指與麥秋成是好友關係，並表示現時希望專注事業：「14號唔係二月最重要嘅日子，6號先係，我生日，就嚟27歲！」馬國明聞言即說：「好後生啫，我生得你出。我都想有咁大個女。」記者指女友心穎同樣年輕，他立即改口風：「唔睇年紀。」提起女友心穎，馬國明全程表現出一副冧樣，見到都知道佢哋sweet！