【On.cc】《降魔的》慶功聚會　網民：馬國明飲醉？

【On.cc】《降魔的》慶功聚會　網民：馬國明飲醉？

無綫劇《降魔的》大受歡迎，喺台慶頒獎禮上得到「全球網民最喜愛劇集」獎，而男主角馬國明亦奪得「我最喜愛男角色」獎，成績非常唔錯！而呢套劇仲有望開拍續集，編審羅佩清都諗埋名叫《降魔的之十字路口》！雖然一切都係未知之數，但佢哋就舉行咗慶功Gathering，一眾演員好似馬國明、黃智雯、阮小儀、何遠東、胡鴻鈞、譚嘉儀、趙永洪、謝雪心等都有出席呀！

小儀喺Instagram上載合照，留言：「《降魔的》慰勞gathering宴，開心到呢！」見到佢哋玩得笑得勁燦爛，馬國明仲同兩個「阿媽」小儀及謝雪心重聚，真係回憶返晒嚟，不過可惜嘅係唔見「阿爸」金剛！而相中嘅馬國明戴上帽塊臉仲有啲紅，網民都問佢係咪飲醉咗！見佢仲着住短袖衫，唔通真係女友黃心穎唔喺度，所以無王管飲到㷫烚烚要脫掉？