【COSMO】23/01/2018 明愛暗戀頒獎禮！3大甜蜜事件簿

【COSMO】明愛暗戀頒獎禮！3大甜蜜事件簿

Cosmopolitan.com.hk2018年1月23日
萬千星輝頒獎典禮圓滿結束，這次爆出了不少sweet事，即刻睇下！

Cosmopolitan.com.hk
萬千星輝頒獎典禮圓滿結束，觀眾除了關注獎項花落誰家外，也留意場內的八卦事。大台一向是月老，締結眾多情緣，這次亦爆出了不少sweet事，即刻睇下！

Cosmopolitan.com.hk
在紅地氈，馬國明與黃心穎雙雙大方接受訪問，有報道指二人早前去荷蘭旅行，馬國明直認表示：「是，好開心，就到假期去了荷蘭8日。」問到感情有否大增？他就打趣道：「仍是了解中，了解咗個荷蘭﹗」若果攞獎就公開？「唔會，唔會特登去講﹗」在旁的心穎亦認為無必要公開講感情事，盡顯情侶之間的默契。

到頒發「最受歡迎電視男角色」及「最佳男主角」時，主持Do姐農夫就刻意問黃心穎有冇投票支持馬國明，黃心穎笑笑口說：「呢個唔係秘密黎嘅，我係投左票俾馬國明。」咁戀情都唔係秘密？

Cosmopolitan.com.hk
馬國明憑《降魔的》奪得「最受歡迎電視男角色」，但與視帝擦身而過，在台上說得獎感言時，未有公開多謝心穎，只特別祝賀姪女新婚快樂，台下大叫「幾時到你呀？」馬國明腼腆說：「未知呀，未知呀。」十分搞笑。

Cosmopolitan.com.hk
頒發「最佳女配角」時，入圍五強的藝人獲同劇拍檔上台拉票，憑《超時空男臣》與蕭正楠、曹永廉獲「最受歡迎電視拍檔獎」的何廣沛，剛攞獎即再次上台為緋聞女友朱晨麗拉票，劇中二人上演野蠻女友VS小公公，情節sweet爆。何廣沛撐緋聞女友撐到底，更揚言說：「唔會唔係佢拎，再唔係我將我個獎送畀你！」豪氣又甜蜜，眼神仲要超sweet，望到都糖尿。

Cosmopolitan.com.hk
結果朱晨麗真的獲「最佳女配角」，何廣沛頒獎兼送花，二人相擁，台下起哄叫他送吻。朱晨麗一心諗住陪跑，對獲獎感愕然。事後，她強調劇內是拍拖，劇外則是朋友。唔通襄王有心，神女無夢？

Cosmopolitan.com.hk
今年，楊明有份角逐「飛躍進步男藝員」，女友莊思明在網上留言︰「祝你今晚好運，Good Luck baby 。開開心心享受今晚啦 。」更hastag#大家一起集氣吧、#在我心中你是最棒的。

Cosmopolitan.com.hk
而經過四次提名「飛躍進步」，今年楊明終於成功奪得，他也自嘲說：「唔好意思，一把年紀先拎飛躍，太榮幸。其他嗰五個參賽者，唔好意思，今年係敬老。」多謝了全台上下，台下大叫莊思明呢？楊明傻笑：「多謝咗啦，我之前同佢講，如果我得獎，會送個飛吻俾佢。」然後即場再送多個，一臉幸福！

最近楊明忙於同伍允龍一齊拍新戲《兄弟》，二人不時上載合照，楊明留言︰「伍先生，點解我哋好似拍拖咁嘅，見你多過見莊思明。」而伍允龍亦風趣回應︰「唔好意思莊思明，我而家冇拖拍搵阿楊明頂住當先 。」莊思明都唔知好嬲定好笑。