【壹週刊】【絕密流出】一家人!馬國明抱B與黃心穎影全家福

【壹週刊】【絕密流出】一家人!馬國明抱B與黃心穎影全家福

20號夜晚黃心穎同屋企人提前食生日飯，去到尖咀1881用膳。不過唔少傳媒一早收到風馬國明會出現，所以一早在現場守候。最後馬明要走後門避記者，更被人拍得驚訝面露天然呆上的士。

心穎在正門話馬國明冇到，後來東窗事發，馬明喺大台頒獎禮紅地毯上解話因為當時黃心穎一家在影大合照，人哋係一家人，而自己又現身一齊影好奇怪，同時又謂怕被人指佢利用心穎一家搏宣傳。

馬國明話一家人影相佢又去影好奇怪，但《壹》仔就收到當晚黃心穎飯局大合照，馬國明就抱住個小朋友企喺心穎身後，而旁邊就有心美同心慧，馬國明企喺入面一啲違和感都冇，一張齊齊整整嘅全家福就在眼前!

在頒獎禮上，當宣佈馬國明拎最受歡迎電視男角色時，他跟心穎握手都尷尷尬尬，就連上台都冇多謝對方，但就被一眾藝人催結婚。事後黃心穎更PO出與馬國明手持兩個獎項的合照，並留言謂︰「so proud of you.You earned more than this」，大概意思話為馬國明感到自豪，既然一齊去咗個長旅行，又一齊影全家福，咁應該好快有好消息啦!