【On.cc】了解中變了解咗！馬國明冧認孖心穎歐遊

【On.cc】了解中變了解咗！馬國明冧認孖心穎歐遊

關係升級喇！

藝人馬國明與緋聞女友黃心穎今晚出席活動孖住受訪，認真sweet爆。早前二人一直指同對方只係了解中，不過今日就大方承認早前結伴歐遊8日，仲由了解中變成了解咗，當笑問是否感情大躍進，馬國明答：「了解咗囉。（公開戀情？）係了解咗荷蘭，總之有大決定先講啦，唔會公開，亦冇咁嘅需要。」

談到日前被拍得出席黃家為心穎慶祝生日的飯局，馬國明承認是首次「咁齊人食飯」。當問到父母對馬國明的印象，心穎對馬國明讚口不絕﹕「對佢印象幾好，佢係個咁好嘅人，好難唔鍾意佢嘅。本來諗住生日簡簡單單，都知有人跟蹤，但約咗屋企人冇理由改第二日啦。」問到馬國明為何走後門，他答：「人哋一家人呀，我出現會好尷尬。（你都係一家人？）未係呀。（走後門喎。）走後門小尷尬，如果唔係就大尷尬嘞。」