【2018/1/20】《降魔的》馬國明親解唔玩社交網之謎：有利有弊，要好有信心先玩

發佈日期：2018-01-20 16:53           最後更新日期：2018-01-20 19:20



馬明已經係唔少網民心目中嘅視帝。
聽晚就是無綫《萬千星輝頒獎禮2017》舉行的日子，憑住劇集《降魔的》獲提名角逐視帝的馬國明，至今一直是大熱門人選。無論劇集本身抑或是馬明於劇中的演出，都深受觀眾和網民的喜愛，紛紛力撐他成為今年的視帝。方以文於facebook舉行的投票結果亦是由馬明勝出。一向沒有玩社交網的馬明，雖然無account睇facebook、instagram又或者是微博，唔可以同粉絲網民互動，不過他都有keep住上網睇討論區，而《降魔的》的群組亦會轉發有關該劇以及演員的網上消息，所以馬明自言：「我全部都知，全部都有睇，係緊貼住呢啲消息嘅。」


佢話自己有緊貼網上消息㗎。
當人人都玩社交網，馬明竟然連account都沒有，點解他唔玩呢？對此他說：「我覺得社交網有利有弊，我都見過好多人玩到鬧晒交，搞到要剷走埋，所以要好小心咁處理，唔係貿貿然咁玩。我仲學緊，依家研究緊睇下點樣可以玩得叻啲，當我研究到好有信心嘅時候呢，我都會參與下嘅。同埋識玩社交網都可以賺到錢，賺到錢係我好大嘅動力嚟。暫時未諗到開咩，我仲研究緊開邊樣方便啲，我啲朋友都有提議，要再睇下。」至於爭獎的心情，他依然是嗰句：「平常心啦。如果攞獎嘅致詞都唔需要特別準備，都係多謝《降魔的》監製同編審，成個劇組同埋TVB啦。」


早前《降魔的》一班演員一齊拍片拉票。


馬明話自己研究完就會玩社交網㗎喇。

資料來源
https://www.hk01.com/%E5%A8%9B%E6%A8%82/151459/-%E9%99%8D%E9%AD%94%E7%9A%84-%E9%A6%AC%E5%9C%8B%E6%98%8E%E8%A6%AA%E8%A7%A3%E5%94%94%E7%8E%A9%E7%A4%BE%E4%BA%A4%E7%B6%B2%E4%B9%8B%E8%AC%8E-%E6%9C%89%E5%88%A9%E6%9C%89%E5%BC%8A-%E8%A6%81%E5%A5%BD%E6%9C%89%E4%BF%A1%E5%BF%83%E5%85%88%E7%8E%A9