【On.cc】26/11/2017馬國明胡鴻鈞突襲銅記　降魔的有讚冇彈

【On.cc】26/11/2017馬國明胡鴻鈞突襲銅記　降魔的有讚冇彈

無綫台慶劇《降魔的》今晚（26日）大結局，不少觀眾大讚內容貼地，劇情又夠晒催淚。劇中兩位男主角馬國明及胡鴻鈞日前晚上突襲銅鑼灣，大派印有劇集海報的宣傳卡，吸引大批市民索取及要求合照。

冇一個唔鍾意

二人接受東網訪問時，對劇集受觀眾歡迎大感高興，馬國明說：「好開心啲觀眾反應都好好，好多觀眾都話《降魔的》好好睇。」胡鴻鈞則說：「真係問咗咁多個人都冇一個話唔鍾意，好多人支持同有追，所以我同馬國明都好開心。（有冇人讚你演技？）都有呀！不過我最開心反而係聽到大家話套劇好睇，證明我哋台前幕後所有人嘅付出同努力都冇白費。」

20秒變真馬國明

講到二人以同一綠色上衣配牛仔褲現身宣傳，胡鴻鈞解釋說：「我哋專登着一樣，因為我哋仲有個主持都係着同一套衫。佢首先捉街頭啲人嚟問，佢會稱聲自己係馬國明，只不過變咗樣。叫市民合埋眼20秒就會變咗真嘅馬國明。因為呢個Gimmick，所以我哋三個人嘅衫係一模一樣。」