[2017/11/23]【降魔的．專訪】馬國明拒降魔　編審羅佩清：佢有香港人冷漠特質

【降魔的．專訪】馬國明拒降魔　編審羅佩清：佢有香港人冷漠特質 2017-11-23

《降魔的》有機會繼《天與地》之後，成為另一套神劇，剩返最後三集（千祈唔好爛尾），一個好的故事主旨一定鮮明，如果有追看，應發現石敢當（胡鴻鈞飾），這幾集想迫靈力越來越大的小馬（馬國明飾）成為降魔俠，但小馬以種種理由拒絕。《降魔的》編審羅佩清接受《香港01》訪問，她說：「好似主角小馬，佢一路俾石敢當覺醒，開天眼呀…...到後尾佢直頭勁過石敢當，但當石敢當叫佢降魔嘅時候，小馬竟然拒絕佢，其實就係因為佢個心未覺悟，佢個心都係一個的士佬，即係一個冷漠嘅香港人，顧住搵食呀，屋企呀，降魔伏妖關我咩事啫?有能力都未必會去做呢啲事。」


《降魔的》為羅佩清首次擔任編審，她和監製方駿釗(中）對成績感到非常滿意。
《降魔的》之所以得到共鳴，因為人物夠貼地，而小馬正正就是香港人的寫照，她說：「小馬係一個你會喺香港遇到嘅的士佬，所以會反映一啲香港人嘅特質，有好亦有唔好嘅地方，好嘅係大部份小市民都係善良，都係有熱心嘅，的士佬之間都有情誼，朋友有難挺身而出，同時香港人亦會自私同冷漠，你願意保護嘅只係限於你熟悉嘅人，當一啲社會上嘅事或者大是大非嘅嘢，一啲同你距離遠嘅嘢，你未必會去做。」

編審羅佩清將小馬性格設計得非常貼地，令觀眾更易代入。
有寓意的劇集的確不多，細心留意劇集的讀者，應該發現《降》劇有別於以前的台慶劇，但原來初時TVB沒想過將《降》劇放在台慶期間播放，她說：「呢套劇係低成本、低卡士、低budget、低清、低CG，所有嘢都係低去做，我諗老闆俾我嘅指示係…..叫我做一個實驗多過一個台慶劇，TVB真係少試呢一類嘅題材，咁杜之克先生覺得可以一試喎，咁就叫我試啦，呢套亦係我第一套做編審，可能佢覺得揾一個冇包袱嘅人做好啲，所以大家會見到套劇嘅實驗性質好強，得到大家認同真係好意外，《降魔的》其實係白老鼠嚟。」
【降魔的】馬國明能力其實未用盡　作為主角最後三集係佢發威時候

https://i.servimg.com/u/f62/19/34/62/50/211.jpg" border="0" alt=""/>
張衞健回巢拍的《大帥哥》，羅佩清亦是編審之一，她亦將會和監製葉鎮輝合作新劇。
不單止是人的覺醒，羅佩清亦希望大家對演藝圈、編劇這一行的要有新的看法，她說：「而家電視競爭大過以前，平台開放咗，但香港可能經濟單一化，所以一直對創作、電視劇，媒體，演藝行業呀，一直都唔係好鼓吹，小朋友如果寫我的志願係明星可能會俾老師鬧，阿爸阿媽都覺得你唔腳踏實地啦，鼓勵比較少，相比韓國、日本佢地真係有藝能學校，小朋友好細個如果有呢個志向、能力，無論係幕前幕後，佢哋就會即刻栽培佢，所以人哋嘅生產綫喺成熟好多。」

https://i.servimg.com/u/f62/19/34/62/50/311.jpg" border="0" alt=""/>
《降魔的》原來是實驗品，好彩初頭不被重視，否則出來作品可能綁手綁腳，神劇變膠劇。（網上截圖）