[2017/11/4][香港01娛樂]【降魔的】馬國明勁孝順愛陪阿媽去街市：一星期去5次當運動

好多網民都讚馬國明演《降魔的》馬季呢個角色，演得好似。(電視截圖)
無綫劇集《降魔的》剛剛就播了一星期，吸引了很多網民的關注，除了盛讚劇本搞笑得嚟又創新之餘，網民大讚馬國明飾演的，的士司機（馬季）一角演得非常之「貼地」，更加有人留言說，「全TVB只係得馬明先做到呢啲痴漢角色」。現實之中，原來馬明的「慳家」及「貼地」程度也與馬季一角不相伯仲。


連婆婆都鍾意，所以話男神呢個稱號真係實至名歸。(林迅景攝)
一個人慳不慳家，看他的手機大約知道，追新電話就絕對不是他那杯茶。馬國明接受《香港01》訪問時，更分享了自己的生活習慣。「我部電話都好耐啦，用咗2,3年，佢未壞我都唔會換。自己習慣唔會追款換，我不嬲用電器都係咁樣。嗰時買大約3千幾左右，再對上一部電話買咗2千幾左右。」原來馬明骨子裡都好慳家。說到馬明平時的生活，他表示說如果沒有工作時，不外乎就是與朋友踢足球，也會陪媽媽去街市買餸。「平時陪阿媽去街市買餸，如果嗰個星期唔使返工，大約4,5次左啦。（孝順仔喎。）其實我自己又想行下（街市），咪行下當運動囉。（即係街市菜檔系魚檔嘅哥哥姐姐都識？）同佢地都好熟㗎喇。」


馬國明，黃智雯是一對情侶。(林迅景攝)
很多人都以為，TVB小生收入多，一定「好大使」。但馬明每天的生活使費分分鐘少過普通上班族。「平時放假踢波都唔係用好多錢㗎唧，冇乜錢使。廿幾卅蚊食個飯，計埋油錢踢波都係一百幾十。（食咩飯？）我哋踼波好簡單，通常都係去茶餐廳食個碟頭飯。」

馬明話，呢個「都市傳說」可以娛樂下大家，其實冇咩所謂。所以先冇特別去澄清。(網上圖片)
馬國明之所以被稱之為男神，其中一個原因就是源於一個「都市傳說」（出處不明的訪問）：馬明直認不諱的表示自己是一個看AV的男人，也與大家一樣最愛是蒼井空。對於這個「都市傳說」，馬明回應說：「其實以前啲訪問我主要話我有睇過。啲人問我有冇睇過，咁我話我係一個正常男人當然有睇過啦。唔知點解佢地寫下寫下就話我日日都睇咁樣。之前讀男校成班friend一齊玩，咁說有睇過囉。大家好有好奇心咁睇。一個正常男人一定有睇過，尤其是我都過咗40歲。可能係以前啲訪問誤會咗，我唔會用手提電話睇AV。哈哈，同埋我都好耐冇睇過。」所以話，呢個馬明日日睇AV嘅「都市傳說」，就真係吹水居多啦。

https://www.hk01.com/%E5%A8%9B%E6%A8%82/130951/-%E9%99%8D%E9%AD%94%E7%9A%84-%E9%A6%AC%E5%9C%8B%E6%98%8E%E5%8B%81%E5%AD%9D%E9%A0%86%E6%84%9B%E9%99%AA%E9%98%BF%E5%AA%BD%E5%8E%BB%E8%A1%97%E5%B8%82-%E4%B8%80%E6%98%9F%E6%9C%9F%E5%8E%BB5%E6%AC%A1%E7%95%B6%E9%81%8B%E5%8B%95