壹搜新聞：31/10/2017【降魔的】好睇過《殭》?羅蘭再做龍婆有驚喜

壹搜新聞：31/10/2017【降魔的】好睇過《殭》?羅蘭再做龍婆有驚喜

昨日《降魔的》首播，由於今次故事是由大台員工提供，應該會有啲新意，但成套戲有21集，要睇耐啲先見真章。不過有唔少網民指節奏夠明快，令人有追看的衝動，仲有人話同《殭》相比，《降魔的》略勝一籌，但片頭則抄足Marvel電影，令不少人對此感到失望。

馬國明在劇中扮的士佬，草根角色扮得維肖維妙，更獲唔少網民大讚。話晒係台慶劇，除了本身sell鬼怪劇情之外，仲有唔少演員加入演出，雖然卡士唔係粒粒巨星，但勝在大家講得出名，包括有遭人誤會是紅衣女鬼的莊思敏、有個生性兒子的病母蓋世寶、飾演謝雪心年青時的賴慰玲，稍後更有洪永城、阮小儀、金剛等等出現，昨日更見到已故藝人曾守明，此乃他的遺作之一。

最有驚喜的是羅蘭再次以「龍婆」現身，本身在極歡愉的氣氛下，龍婆的出現，令整套劇頓成恐怖片，但亦成為網民最愛的一部份。由於羅蘭本身在八點半播出的《老表，畢業喇！》扮演仁慈校長，到昨日九點半忽然再以龍婆現身，反差極大，未知一眾小朋友會否被嚇壞，不過龍婆對於大部份香港人來講，的確是一個經典電影角色人物。

至於胡鴻鈞扮演的石精靈暫時未有現身，他的全裸鏡頭睇怕大家都要等多一至兩日時間啦。