【係孝心】馬明BB幫爸爸搞證件 網民誤會有愛心

新浪香港                  2015/12/03

有網民今日喺FB群組表示話見到男神馬國明去咗入境處，仲留言話:「馬國明真係好人，主動幫助老人家。」就係佢身邊呢位伯伯。搞到個個都激讚馬明BB有愛心，不過事後有傳媒向佢求證，原來相中伯伯係佢爸爸，變出一個美麗誤會。

相片上載後，唔少有網民都稱讚馬明BB有愛心，不過都有人好冷靜問:「正常人都會幫老人家，但問題係點解得男神幫 ，無入境處職員幫？除非個伯伯係男神屋企人。」上載人指當時男神咁啱行過，見到呢位伯伯需要幫忙，就第一時間上前幫助老人家，仲一直陪伴左右，直至辦晒手續先至離開。

不過事後傳媒向馬明求證後，原來呢位伯伯係馬明爸爸。佢表示爸爸證件到期，所以陪佢去換證，因為遲啲會仲全家一齊去旅行。原來馬明BB係有孝心，一樣抵讚啫！