【蘋果即時】【好似靚仔咗...】無懼霜凍警告 「精壯」馬國明短袖衫現身《降魔的》慶功

【蘋果即時】【好似靚仔咗...】無懼霜凍警告 「精壯」馬國明短袖衫現身《降魔的》慶功

馬明好精壯，近日氣溫得幾度，佢都係短袖衫出席慶功。(ig圖片)

唔少網民都話馬明臉紅紅，應該飲咗好多酒。(ig圖片)

(ig圖片)

都好齊人，獨缺「阿爸」金剛(ig圖片)

馬國明今年真係大豐收，愛情事業兩得意，同心穎BB感情穩，早前仲一齊歐遊，睇嚟都好事近。(相關新聞﹕ O网页链接

由馬明主演嘅《降魔的》口碑更勝收視，喺台慶頒獎禮仲攞咗「全球網民最喜愛劇集」同「我最喜愛男角色」獎，咁開心，梗係要搞個慶功慶祝一吓。

噚晚喺《降》劇中飾演馬明年輕時代版阿媽嘅阮小儀，就喺ig貼慶功相，台前幕後大合照時，個個都笑容燦爛。而馬明除咗同「小儀媽」影相之外，仲有同老版嘅阿媽謝雪心一齊合照，但「阿爸」金剛就冇嚟到。唔少網民見到張相，都話馬明疑似飲醉酒，因為見佢臉紅紅，仲好「壯」咁係低溫天氣下着短袖衫。

小儀留言﹕「《降魔的》慰勞gathering宴，開心到呢！」同場仲有黃智雯、何遠東、胡鴻鈞、譚嘉儀、趙永洪等，之前編審羅佩清露口風話諗咗續集名叫《降魔的之十字路口》，唔知幾時成事呢？！