Welcome to Kenneth X U forum.
 
首頁日曆相冊常見問題搜尋會員列表會員群組會員註冊登入

發表新主題   回復主題分享 | 
 

 [2017/12/23]【蘋果娛樂】黃心穎帶馬國明「白雪天地」見家長 夠晒貼地

向下 
發表人內容
Admin
Admin
avatar

文章數 : 696
注冊日期 : 2015-10-25
年齡 : 44

發表主題: [2017/12/23]【蘋果娛樂】黃心穎帶馬國明「白雪天地」見家長 夠晒貼地    周一 1月 01, 2018 7:35 pm

【蘋果娛樂】        2017/12/23

Um…係開心事嚟嘅,應該同大家分享下。

開心事就係,呢期頻傳分手嘅馬國明黃心穎,其實冇散到嘅,今日仲去咗聖誕新景點:白雪天地見家長添!

一對小情侶冰天雪地見家長…咦…咁凍,可以攬得好實喎!

讀者陳小姐今日就喺荔枝角D2 Place嘅白雪天地,見到馬國明同心穎BB,仲有心穎家姐心妙(Shelby)帶埋小朋友去玩。

白雪天地係香港「飄雪始祖」——今年已經係第三年。免費入場,但等入場大約個零鐘左右啦。個location位於商場天台,成萬二呎,有雪地,有冰屋,如果想睇飄雪,要購物滿一定金額先得。簡單嚟講呢度就係一個相當之平民化嘅打卡勝地。

之前有周刊話心穎BB咩識咗個富二代,所以先至飛馬明。咁如果心穎真係咁,佢就唔會去商場天台同男友睇飄雪啦!

陳小姐見到馬明同心穎一齊嗰陣,大約係三點幾左右,馬明同心穎已經係「玩完」——係喺「白雪天地」玩完,準備離開。陳小姐話,馬明戴上眼鏡同帽,甚為低調;同化淡妝嘅心穎全程前後腳,主要都係同心妙嘅小朋友傾偈,陳小姐話短短嗰分零鐘唔夠,已經覺得馬明好錫小朋友。

一邊傳分手,一邊拍住檔除夕搵快錢,唔係唔可能,馬明心穎呢Pair就係。傳媒搵過馬明,問佢「白雪天地」好唔好玩,佢覆咗個「No!」又話:「多謝關心呀!」

至於黃心穎今日回應傳媒時,就話嗰陣係陪二家姐啲小朋友去玩,問到係咪證明冇分手,心穎笑道:「其實不嬲都話冇事,只係大家講之嘛!不過去都見到好多小朋友,已經9秒9咁離開,點知都俾人影到!」

讀者陳小姐話馬明同啲小朋友玩得好投入,心穎就話:「OK呀,佢不嬲都係錫小朋友同老人家嘅人!」唔知家姐對馬明印象又係點呢?佢話:「幾好呀,OK呀。」過咗二家姐嗰關,咁爹哋嗰關又過咗未呢?心穎就話:「大家好casually食咗個lunch囉,冇乜特別嘢,我屋企人好易相處。」至於有冇見過馬明媽咪,心穎就話:「哈哈哈,呢個就唔講喇!」




讀者陳小姐今日就喺荔枝角D2 Place嘅白雪天地,見到馬國明同心穎BB。(讀者提供圖片)


仲有心穎家姐心妙(Shelby)帶埋小朋友去玩。(讀者提供圖片)


陳小姐見到馬明同心穎一齊嗰陣,大約係三點幾左右,馬明同心穎已經玩完,準備離開。(讀者提供圖片)


問到係咪證明冇分手,心穎笑道:「其實不嬲都話冇事,只係大家講之嘛!」(資料圖片)


問到係咪證明冇分手,心穎笑道:「其實不嬲都話冇事,只係大家講之嘛!」(資料圖片)
回頂端 向下
檢視會員個人資料 http://kennethmaming.forumotion.com
 
[2017/12/23]【蘋果娛樂】黃心穎帶馬國明「白雪天地」見家長 夠晒貼地
回頂端 
1頁(共1頁)
 相似主題
-
» AutoCAD 2017 繁體中文版-安裝/啟用說明
» [影片]AutoCAD 2017 新增「AutoCAD 典型」工作區-手動自訂步驟
» AutoCAD 2017 help 線上說明
» AutoCAD 2017 多國語言官方試用版下載
» [說明]AutoCAD 學生版安裝與啟用步驟

這個論壇的權限:可以 在這個版面回復文章
Kenneth X U :: 新聞區 :: 馬明之新聞-
發表新主題   回復主題前往: