[2017.11.24] 馬國明恨攞最佳劇集　跟團隊共榮辱

[HK01]馬國明恨攞最佳劇集　跟團隊共榮辱：佢哋真係睇住我大             2017.11.24

《降魔的》剩返最後一集，網民除了推舉為最佳劇集外，更加認為馬國明有力和王浩信爭視帝。其實馬明99年入無綫訓練班，捱了18年，繼2012年《On Call 36小時》後，今次第二次被網民吹奏要攞視帝，換著第二個，應該恨到發燒，打從心裏笑出來，不過馬明最想奪得的不是視帝。日前馬國明出席《降魔的》最後一次宣傳活動，視帝是傳媒必問問題，馬明沒有耍官腔說：「平常心、有提名已好高興」，那些聽過百次以上的對白。其實他只想拿《最佳劇集》，他想整個團隊獲得肯定，這個想法源自於他很喜歡的足球.....


馬國明係波牛，唔駛開工，一定會喺球場見到佢。

馬國明：「如果要我拉票的話，我只會叫大家投《降魔的》最佳劇集，一個演員一生人唔係好多機會遇到好嘅劇本，當你遇到一個好劇本嘅時候，我見咁多年，男演員攞最佳男主角，都只可以講多謝監製同編審，但只有〈最佳劇集〉呢個獎証明佢哋嘅付出，因為公司冇設立最佳監製、最佳編審。」馬明之所以想和《降魔的》一眾幕後拿獎，原因是監製、導演都和他一起成長，他說：「監製方駿釗，當時佢做導演嗰陣，我仲係未做男主角，茄哩啡嘅時候，已經俾機會我，其他導演呀、crew呀，都真係睇住我大，所以我更想佢哋獲得肯定。」

《降魔的》不單止主角好睇，其他配角的發展，亦令觀眾感動。

「（視帝同最佳劇集，如果你只能揀一樣？）唔駛諗，最佳劇集，我唔知係咪因為我由細到大有踢波嘅關係，呢個運動俾到我好多人生嘅啟發，我寧願成隊攞冠軍，多個要攞神射手，成隊波分享一樣嘢，多過個人榮譽，踢波都知啦，球會會徽章係前面，球員名稱喺後面，正如一個劇，一定喺劇本行先。」馬國明未必是你心目中的最佳男主角，但這種無私的心態，一定是最佳隊友。