Welcome to Kenneth X U forum.
 
首頁日曆相冊常見問題搜尋會員列表會員群組會員註冊登入

分享 | 
 

 【香港01娛樂】14/11/2017【降魔的.專訪】馬國明認拖黃心穎:我哋無講啫,其實大家都明

向下 
發表人內容
Ling_Kennethma0213
Admin
avatar

文章數 : 605
注冊日期 : 2015-10-26
年齡 : 44

發表主題: 【香港01娛樂】14/11/2017【降魔的.專訪】馬國明認拖黃心穎:我哋無講啫,其實大家都明   周三 11月 15, 2017 12:24 pm

【香港01娛樂】14/11/2017
【降魔的.專訪】馬國明認拖黃心穎:我哋無講啫,其實大家都明

《降魔的》裡面,馬國明飾演的馬季苦戀莊芷若(黃智雯),芷若一直向郭展明(黃子恆)靠攏,令到馬季相當沮喪。不過現實中馬明當然是春風得意喇,今年他被拍得跟黃心穎行街而傳出戀情,之後兩人在公開活動回答問題時亦表現曖昧,令不少人覺得他們已經在發展地下情,不過其實這段戀情已經浮面。

為什麼他們兩個一直都沒有一個明確的答案去確定對方的新聞呢?其實是有共識的,馬明在接受《香港01》訪問時表示,除非有一個重要的決定,否則都不太想將自己的戀情向公眾交代,他說:「(同心穎)Ok嘅,發展無乜大問題。其實無話名唔名份呢個問題,心穎好似喺其他訪問都講過唔會刻意講,如果再講就結婚架喇。而且我哋無講啫,但係其實大家都明架喇,有時我哋出去睇戲食飯,我哋都係任記者影相,或者有路人影我哋都無所謂嘅,呢方面我哋都幾公開架喇。我哋覺得無必要吓吓講,如果乜都講就會好煩,啫係唔會同人講我哋已經拖咗手喇、我哋鍚過喇、今晚佢上我屋企睇波、今晚我上佢屋企慶祝,無呢個需要去交代,始終拍拖係兩個人嘅事,我哋相處得舒服就夠喇。」

不過並不是話全部都收收埋埋,總有些事情會出來交代,到時大家可能就會知道,他說:「總之如果如果有朝一日係啱嘅,例如我哋結婚,我會同大家講,分手都會話俾大家聽嘅,如果有一日佢搵到第二個男仔,我都會話俾大家聽。(啫係我哋只會聽到唔係結就分?)哈哈,除非有啲好大件事,如果唔係都無咩需要吓吓回應,我同佢都覺得大家留意返我哋工作,唔係好想將拍拖擺喺咀邊。」的確,兩個人的事其實沒有大必要跟大家交代,大家還是給他們多點空間。

馬明絕對是一個好老公,因為他所以事都會將家人在放第一位,而自己亦是「慳家益家人」,他表示自己不是豪洗的人,但用在家人身上一定不會慳,他表示:「人緊有地方你會使錢,無可能樣樣嘢都唔使,搵錢搵得咁辛苦,你緊會喺一啲自己鍾意嘅地方使錢。如果你問我,衣、食我都係使得好普通,我踢波同啲朋友都係茶餐廳碟頭飯。但係住我就好捨得使,我會用儲多啲錢去買間大啲嘅屋俾屋企人住」看來而家要再儲定一筆錢,將來結婚再買一間大屋了。

想知馬國明爆大陸拍戲的秘密,留意下集。







回頂端 向下
檢視會員個人資料
 
【香港01娛樂】14/11/2017【降魔的.專訪】馬國明認拖黃心穎:我哋無講啫,其實大家都明
回頂端 
1頁(共1頁)

這個論壇的權限:無法 在這個版面回復文章
Kenneth X U :: 新聞區 :: 馬明之新聞-
前往: