Welcome to Kenneth X U forum.
 
首頁日曆相冊常見問題搜尋會員列表會員群組會員註冊登入

分享 | 
 

 [2017/11/10]【降魔的‧專訪】馬國明唔覺視帝返大陸易搵錢:上到去甚麼都不是

向下 
發表人內容
Admin
Admin
avatar

文章數 : 700
注冊日期 : 2015-10-25
年齡 : 44

發表主題: [2017/11/10]【降魔的‧專訪】馬國明唔覺視帝返大陸易搵錢:上到去甚麼都不是   周五 11月 10, 2017 11:26 pm



《降魔的》不經不覺今日已經來到第十集,被多套大製作台慶劇夾在中間,一直都不被看好,但出來的口碑和收視都尚算不錯,不少人力讚劇本有創意,演員演繹十分到位。講起演員,劇中的主角馬國明一向擁有觀眾緣,在此劇以貼地的形象出現更獲得大讚,有觀眾揚言馬明靠今套劇可以在年尾贏視帝!


馬國明的演技在《降魔的》備受讚賞。(劇照)

觀眾們當然想馬明拎視帝,因為他入行十七年,做過那麼多深入民心的角色,但一次真正的視帝也未曾拿過,不過原來他並不是這樣想,在接受《香港01》訪問的時候,馬明說:「我不嬲拍嘢都唔係點諗獎,我成日都會諗返自己當初入TVB嘅初衷,到而家我都係鍾意做戲,做戲又唔係為咗攞獎。我每日開工我都好開心,可以做到唔同嘅角色,喺自己鍾意嘅範疇做嘢,又可以搵到錢,呢樣係最開心嘅嘢。獎我不嬲就唔係好諗,但可能好多網民成日話我灰足幾多年,呢啲係網民角度睇呢件事,咁我又唔介意嘅,我不嬲都唔鍾意澄清一啲嘢。舉個例子講返,幾年前AV嗰單嘢,佢問我有無睇過,我話無就呃你喇,三十幾歲點會無睇過,仲扮純情咩。但我亦都唔會去澄清,始終娛樂新聞嘛,大家開開心心咪得,又唔係犯法嘢。獎有係開心,但無嘅話唔會失望,始終獎項係要有啲緣份,同埋某啲因素,有無獎就隨遇而安喇。好似你喺馬來西亞或者新加坡攞獎,返到香港又未必有,因為個個market都唔同,正如吳京套電影喺大陸好勁,喺香港就普普通通。」還記得,在2012年憑《On Call 36小時》張一健(一件頭)一角爆紅,不過卻失落視帝,但宣布黎耀祥當選時,更露出呆樣,可能因為這樣,網民覺得TVB欠他一個視帝。

https://i.servimg.com/u/f62/19/34/62/50/dd557110.jpg" border="0" alt="" />
相信大家都會記得呢個樣。(電視畫面)
雖然自己不渴望獎項,不過今年頒獎禮他卻有一個心願,「今年我希望我演嘅劇集可以拎最佳劇集,無論《心理追兇 Mind Hunter》定《降魔的》,個劇本都係我自己好鍾意,我哋呢行成日講,一個演藝生涯遇到嘅好劇本唔會好多。亦都好坦白講,我做咗17年,我鍾意嘅劇本可能真係得四、五個,一隻手數得晒,難得今年有兩個我都係好鍾意,我好希望可以攞到最佳劇集。尤其是我成日覺得TVB無一個獎係俾監製同編劇,變咗唯一俾到佢哋嘅肯定就係最佳劇集,雖然咁多年有人上台攞獎都會同佢哋講多謝,但真係得句多謝囉,唯一一樣嘢可以放喺監製房就係最佳劇集,所以希望拎到喇。不過呢個希望都好難喇,今年太多大製作,我自己心知喇,呢兩套都唔係咩大製作,唯一可以做嘅嘢就係做多啲宣傳喇。(仲有咩係你鍾意嘅劇本?)《On Call 36小時》一定有份喇,不過唔講喇,唔好搞到其他劇唔係好劇咁,事實唔係咁,只係我個人喜歡啫。」其實馬明真的很替人設想,所以無論圈中或觀眾對他的評價都好高。


馬明表示今年機會唔大喇。(林迅景攝)
講起人緣,馬明都談及其實公司的藝人未必都像外界所想一樣勾心鬥角,即使當年陳展鵬拎視帝,個個起身唯獨他坐底,並不代表他們不和,其實私底下關係都不錯,他說:「啲人成日講到我哋一班藝人要鬥咁,好似鍾意王浩信就唔可以鍾意我咁,其實唔係,我哋其實大家都想大家好,有錢齊齊搵。好似之前展鵬買咗樓俾屋企人,我都有訊息俾佢恭喜佢,大家做呢行咁辛苦,一開劇又無得瞓,想點啫?其實都係想搵多啲錢,第時有個屋企舒舒服服,我又好,展鵬又好,未結婚架嘛,將來要娶老婆,現實啲都係要錢架嘛。其實大家都係想大家搵到錢,我而家喺大陸拍緊嘢,大陸一個橫店係有4、50組劇開緊,嗰啲街外錢嚟架嘛,大家去搵囉,唔通一個人拍得晒咩。良性競爭係會有,但唔會係惡性,大家搵到錢咪幾開心囉,有朝一日搵到錢,我同展鵬、浩信、蕭公子揸架靚車去下午茶,吹吓水,幾咁開心。」


馬明出名孝順,搵多啲錢就係要幫屋企人換大屋。(林迅景攝)
錢對馬明是一樣現實的東西,如果拿到視帝,隨時可以北上搵大錢,究竟要視帝定要錢呢?馬明立即真性情,他說:「真係錢重要啲,我好坦白咁講,錢係重要啲。不過獎唔係唔好,獎對新人係好好,對佢哋真係有一個鼓勵,但對我哋呢啲做咗十幾年嘅人,尤其是我,好坦白咁講,我真係想要獎金多啲,因為始終將來要結婚生仔,有阿爸阿媽,係咪獎金實際啲呢,問我就係嘅。(視帝北上搵錢易啲喎?)我又好坦白咁講,其實就唔關事嘅。我終於明白點解祥仔(黎耀祥)佢早兩三年講過嘅一番說話,佢係視帝喇,佢話只係香港係視帝囉,返到內地就甚麼都不是,佢好坦白咁講。唔理你乜嘢視帝都好,你返到內地就要重新適應過一個新嘅market,你要知道個玩法,我而家都係開始接觸。」
下期專訪:會有馬國明講大陸拍劇的演員黑幕,還有他跟黃心穎的事,密切留意!

做人現實啲都係好事!(林迅景攝)

https://www.hk01.com/%E5%A8%9B%E6%A8%82/132572/-%E9%99%8D%E9%AD%94%E7%9A%84-%E5%B0%88%E8%A8%AA-%E9%A6%AC%E5%9C%8B%E6%98%8E%E5%94%94%E8%A6%BA%E8%A6%96%E5%B8%9D%E8%BF%94%E5%A4%A7%E9%99%B8%E6%98%93%E6%90%B5%E9%8C%A2-%E4%B8%8A%E5%88%B0%E5%8E%BB%E7%94%9A%E9%BA%BC%E9%83%BD%E4%B8%8D%E6%98%AF



回頂端 向下
檢視會員個人資料 http://kennethmaming.forumotion.com
 
[2017/11/10]【降魔的‧專訪】馬國明唔覺視帝返大陸易搵錢:上到去甚麼都不是
回頂端 
1頁(共1頁)

這個論壇的權限:無法 在這個版面回復文章
Kenneth X U :: 新聞區 :: 馬明之新聞-
前往: