【2017/11/4】[on.cc] 胡鴻鈞邀合唱　馬國明唔熟歌詞天然呆

藝人馬國明（馬明）與黃智雯出席無綫新劇《降魔的》宣傳，期間胡鴻鈞獻唱劇集歌曲時，欲遞咪給馬明繼續唱，由於馬明不熟歌詞即表現天然呆，場面搞笑！

網友推舉做視帝

講到劇集口碑好，有網民更推舉他做視帝，氹得馬明高興不已。問到今次是否演自己較容易拿捏的角色？他謂：「唔係啦，我平時好有型，個角色草根啲，所以都難演㗎！」

而智雯則以一身魔女造型打扮，她指該戲服要配上一對8吋高踭鞋，令其聯想起與馬明一場接吻戲，馬明亦笑指此高度kiss剛剛好。談到戲中他既可掂劉佩玥胸部，又與智雯拍咀戲，認真艷福無邊！馬明卻對此不認同：「我要投訴添，黃子恆先係，所有激情戲喺佢度，我只係淺嘗咋！不過就NG咗5次。」智雯亦表示與子恆的咀戲沒有借位，更要咀到跌落地，幸而一take過完成。

馬明被問到拍攝咀戲是否抱住不要蝕底心態？他笑謂：「都係滿足觀眾啫！(緋聞女友會唔會唔開心？）唔會，拍戲啫！佢呢排好忙，日日開廠，好似睇咗半集，但都有話好睇。」