[2016/12/30][東網專訪]內地仲搵得　馬國明為陪父母留港發展

東網ON.CC 12月30日(五) 07:49

孝順仔！

【on.cc東網專訊】 無綫早前重播的《創世紀》，是馬國明入行後第一個有對白的角色，十六年後的今日，他已企穩「男一」地位。早前續約時原來亦有內地公司接洽他，但馬國明珍惜與家人共處的時光，放棄大賺「人仔」的機會，他笑說：「大陸拍嘢好悶，收工就返酒店對住四面牆。」

有傳馬國明去年因續約問題工作大減，連主演的劇集《流氓皇帝》也被抽起，事隔一年才出生天。合約問題解決後，馬國明的工作亦重回正軌，今年連拍三套劇集《賭城群英會》、《心理追兇》及《降魔的》，馬國明說：「劇集抽起唔係第一次，好多嘢要配合，拍咗遲早都會播，唔關合約事，係時間巧合令大家聯想啫。」

唔想離開父母
上年馬國明少拍劇，原來是返到內地搵真銀，收入不減反增，他說：「之前同公司傾續約，其實都有內地公司搵我，但係大部分時間要喺大陸，工作模式唔啱我，唔可以掉抵父母喺香港，要趁佢哋健康多啲陪佢哋。自己都試過喺內地拍劇，收工就返酒店對住四面牆好悶，唔介意每年拍一套大陸劇，長期喺上面就唔得。」

早前深夜重播的《創世紀》正是馬國明入行後第一部有對白的劇集，今時今日他又有沒有其他野心？他說：「呢行好難去計劃，時勢會推你去某個位，獎項隨緣啦，我唔係踏實，以前我成日話好想攞視帝，其實係想快啲儲到錢買樓，但依家原來未攞視帝都已經買到樓。」

享受細水長流
馬國明今次翻拍當年由鄭少秋主演的《流》不擔心被比較，因新劇並不是模仿，他說：「劇集係講舊香港情懷，人人為我，我為人人，鄰里守望相助。我同周麗淇嘅感情係青梅竹馬，一直相愛，到七、八十歲都想搵番呢個初戀情人，現代人就好難，自己都鍾意細水長流。隨緣啦，人生好多嘢唔知，遇到好嘅，可能拍拖三個月閃婚都冇人知，人生就係咁奇怪。」

有時搵錢都唔係大晒。

好多嘢事後先發覺用錢買唔番。

馬明今年主演三套重頭劇。

希望馬明新一年順風順水！

馬明甚有觀眾緣，但同獎項就永遠差少少。

馬國明


資料來源:
http://hk.on.cc/hk/bkn/cnt/entertainment/20161230/bkn-20161230074942305-1230_00862_001.html