2016/04/20 馬國明做主持獲讚真性情夠麻甩

2016年04月20日 (04:49 PM)


無綫新旅遊節目《有乜好過去camping - 德國篇》播映兩日，首次做主持的馬國明獲網民大讚「真性情夠麻甩」，昨日一集更模仿草蜢《忘情森巴舞》的舞步唱幾句，十分搞笑。





無綫截圖

今周播映的《有乜好過去camping - 德國篇》由馬國明、唐詩詠和梁烈唯做主持，今次是馬明和詩詠首次做主持，不少人都感期待。而節目播映兩日，有網民在討論區讚節目中的風景靚，主持正，但內容好似好求其，亦有人讚三位主持好夾：「佢地寸寸下咁玩，但其實又幾就唐詩詠，Friend底去真係好睇啲」。其中又以馬明評價最高，有網民讚他拍攝綜藝節目認真得來又搞笑，而且「真性情夠麻甩，唔扮chok」。昨日播出的一集，馬明不但與唯唯表演食蟲，食完更興奮到模仿草蜢《忘情森巴舞》舞步，唱出「一起森巴舞，撥走不滿，發洩發洩你苦悶」，大展搞笑一面。



但亦有網民認為馬明與詩詠「完全唔識主持」，指兩人不會搞氣氛，不會講笑，很悶。另有人指唯唯近年擔任多套綜藝節目主持，數目「加埋應該湊夠20集劇」，亦有人批評近期旅遊節目總加插主持幾句搞笑對白：「真係好笑嗎？幾年啦都係咁，悶唔悶啲呀？」亦有人認為這拍攝方法雖然非香港獨有，但覺得主持「感性得嚟太造作」。