2016/03/30 馬國明恨買樓　唐詩詠寸爆：你都冇老婆

on.cc東網             2016/03/30

【on.cc東網專訊】 藝員馬國明與唐詩詠在將軍澳電視城為無綫節目《兄弟幫》擔任嘉賓宣傳新劇《廉政行動2016》。馬國明透露近期樓市低迷計劃趁機買樓。唐詩詠笑說：「你都冇老婆，買嚟做乜？」馬國明說：「我買嚟同屋企人住，希望買番同區，面積大啲同屋企人住，呢排都周圍睇樓。」

嫌馬國明揀女奄尖

問唐詩詠可有介紹女仔給馬國明認識？她說：「佢好奄尖、又要靚，樣樣都要係優點，所以咪好似睇樓咁，睇咁耐都未揀到。」馬國明笑說：「係呀，我好麻煩㗎，又要有錢，最好可以養埋我，仲要入得廚房，上得大床。」兩人指林子善計劃兩年後結婚，馬國明覺得奇怪預早兩年計劃，唐詩詠則說：「因為好愛囉。」

詩詠想婚前買樓

唐詩詠也希望買樓，她笑說：「女仔買樓唔同男仔，買樓用嚟收租，仲要喺結婚前買，唔係咪變咗共同資產。」問馬國明有沒有心儀女士？他說：「冇呀，好似睇樓咁睇吓先啦。」


馬國明想趁樓市低迷入貨，等同屋企人住得舒服啲。


咁馬國明幾時打算搵另一半呀？


唐詩詠嫌馬國明揀女奄尖。


馬國明與唐詩詠為無綫節目《兄弟幫》擔任嘉賓。


馬國明想買樓畀唐詩詠笑話：「你都冇老婆，買嚟做乜？」

[都市日報] 2016.03.31

馬國明同唐詩詠昨日上《兄弟幫》宣傳新劇，馬明坦言想趁跌市置業與家人同住，所以近日頻頻睇樓，點知詩詠就寸他：「你都冇老婆，買嚟做乜？」既然兩人咁Friend底，詩詠有冇好女仔可以介紹畀呢位筍盤呢？她表示：「佢好奄尖㗎，又要靚，樣樣都要係優點，所以咪好似買樓咁，睇極都睇唔啱囉！」馬明即公開擇偶條件，並笑言：「係呀，我好麻煩㗎，又要有錢，最好可以養埋我，仲要入得廚房，上得大牀！」難怪他說自己暫時未有心儀對象，要再慢慢揀，睇嚟做筍盤真係唔使憂！

[2016-03-30] [星島日報] 唐詩詠 爆馬明擇偶條件      

     馬國明與唐詩詠昨日亮相節目《兄弟幫》，宣傳即將播出的劇集《廉政行動》。
唐詩詠直言有向馬明催婚，更大爆其擇偶條件：「要入得廚房出得廳堂，又要乖又要靚。」馬明續謂：「仲要有錢，要上得大牀。不過有呢啲條件，都唔要我啦！」馬明坦言感情事不強求，慢慢去尋找合適對象。
此外，馬明透露有意置業，最近母親已四齣睇樓。唐詩詠則笑言：「男士結婚前係要買樓，女士結婚前買樓就係用來收租，否則結咗婚先買樓，咪變成共同資產，咁樣唔得！」